أنا معمري هدرت ، ولكن هاد لمرة حسيت بلي تأديت بزاف

سلام أنا معمري هدرت ، ولكن هاد لمرة حسيت بلي تأديت بزاف…

 شحال قدنا نخلسو ناس (شمكار) باش ميأديناش؟

 كنت عايشة بخير و على خير كانبلاصي الطوموبيل بليل فواحد الزنقة الامن و الامان بدون عساس حتى جا واحد نهار واحد بوصفير نبت منعرف كاع منين خرج أو قالي خاسني نبدا نخلسو 10 دراهم لليلة، يعني 300درهم لشهر،.

ملي مقبلتش، بقى كيهددني و دبا شرتلي طموبلتي.

 لموشكيلة هي لي شكيت عليه كيقولي خليه هداك شمكار معندو ميخسر ماديكلاريش بيه…

 مابقيناش كنحسو بلأمان، ولموشكيل لكبير هو لمواطن ساكت و خايف… ولينا فغابة.

كانتمنا إبان شي حل لهاد لمشكل لي أنا متأكدة أنه بزاف ديال لمغاربا كيعانيو منو ، شكرا. أنا عارفة بلي كينين بزاف دلبنات مامهتمينش بهاد لموضوع بحالي قبل ميوقعلي هاد لمشكل كنت كنخلص عادي، تا دصرنا علينا هاد بوصفير، قررت منعودش نخاف من شي واحد ونخلصو ، (خاصني 4000 درهم باش نعاود نسبغها) .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *